Кој може да аплицира?

Обуките се отворени за сите заинтересирани кандидати кои сакаат квалификација, доквалификација и преквалификација без разлика на нивната возраст.

Обуките се понудени и за кандидатите кои ќе бидат пријавени и избрани на порталот за услуги на Владата како корисници на ваучер за дигитални вештини согласно уредбата на Владата.

Местата за секоја обука се ограничени!

Искористете го ваучерот за обуки за дигитални вештини

Доколку имате од 18 до 29 години и имате желба за стекнување на основни компјутерски вештини, стручно или професионално усовршување искористете го ваучерот за обуки понуден од страна на Владата на РСМ за дигитални вештини на ФИНКИ*.

*Доколку сте државјани на Република Северна Македонија и спаѓате во категорија на млади лица со најмалку завршено средно образование, но не постари од 29 години заклучно со 13 јуни 2020 год. може да аплицирате за ваучерот за дигитални обуки. Повеќе информации за добивање на ваучерот може да најдете на сајтот на МИОА или на следниот линк.

Како да аплицирате?

Изберете некоја од обуките за личен развој, промена на кариерата или усовршување со пополнување на следната форма. Пријавувањето за некоја од обуките на ФИНКИ ќе се одвива електронски до 1 септември 2020 год.

ФИНКИ ќе ве контактира на вашата e-mail адреса  и навремено ќе ве информира за сите новости, информации и термини за почеток за обуките.

Зошто да станете дел од ИТ заедницата?

Живееме во дигитална ера. Начиниот на кој што функционира денешницата промени многу нешта во поглед на достапноста до информациите, нивното восприемање и претставување. Тоа го промени и начниот на размислување и потребата за надградување на сопствените дигитални вештини. Дигиталните вештини се присутни во секоја област (едукација, медицина, земјоделство, архитектура, наука, трговија, инженеринг, спорт, …) и претставуваат појдовна точка за стекнување на дигитална писменост која е неопходна за полесно вработување и напредок во кареиерата.

Зошто ФИНКИ? 

• ФИНКИ е најголем технички факултет, со повеќе од 4000 студенти.
• ФИНКИ има повеќедецениско искуство со формално академско образование, но и разни специјализирани обуки, семинари и курсеви. 
• Наставниот кадар го сочинуваат 60 професори и уште 20 асистенти-докторанди и демонстратори. 
• Искуство на наставиот кадар во апликативна работа и практични проекти во соработка со индустријата.
• Опремени лаборатории за изведување на висококвалитетна настава.

• Соработка со преку 300 компании и институции. 
• Преку 1000 огласени работни позиции објавени на страната на ФИНКИ за вработување на дипломците.
• Соработка со институции од Европа и светот во рамките на повеќе од 100 проекти финансирани од различни програми (FP6, FP7, Horizon 2020, NATO, US Naval Research, билатерални проекти, итн.).